1. Discover Lexus
  2. Technology
MÜRACİƏT EDİN
MÜRACİƏT EDİN

TEXNOLOGİYA

Biz texnologiyanı yaradılış üçün katalizator kimi görürük. Biz qabaqcıl innovasiyaların mövcud forması ilə kifayətlənmir, onları yeni və yaradıcı fikirlər ilə daha da zənginləşdiririk.

MÜSTƏSNA TEXNOLOGİYALAR STANDART KİMİ

Bütün avtomobillərimizdə ən son və qabaqcıl innovasiyaları görə bilərsiniz. Bu innovasiyalar ideal həddə çatdırılaraq sizə ən yaxşı təcrübələri gətirir. Mükəmməl interyerlərimizdən LSS+ kimi ağıllı və intuitiv təhlükəsizlik sistemlərinə qədər hər şeyimizlə texnologiya və lüksü bir araya gətiririk.

TƏKMİL SEÇİMLƏR

Ən təkmil xüsusiyyətlərimizin bir çoxu standart kimi təqdim olunur, ancaq əyləncə, iqlimə nəzarət və təhlükəsizlik sistemləri üzrə təklif olunan ən son seçimlərdən də faydalana bilərsiniz. Nəticə? Sükan arxasına keçin və təkmilləşdirilmiş xüsusiyyətləri sınaqdan keçirin.

Avtomobili idarə edərkən hər şey nəzarətiniz altında olacaq. Cihaz panelindəki hər hansı bir düyməyə toxunmaqla siz ətrafınızı öz istəyinizə görə dəyişə və daha da zənginləşdirə bilərsiniz.

AKUSTİK MÜKƏMMƏLLİK

Biz qabaqcıl audio mütəxəssisləri Mark Levinson® ilə əməkdaşlıq edir və avtomobilin əyləncə sistemini bir pillə də yüksəldərək unikal dinləmə texnologiyaları üzərində birlikdə çalışırıq.

Mark Levinson® tapşırığın hər bir mərhələsində yaxından iştirak edir. Onlar yeni avtomobil konseptini təsvirinin verildiyi gündən hazırlandığı günədək anbaan izləyiblər, beləliklə onlar modellərin interyerinin ideal akustikaya tam uyğun kalibrləşdirildiyindən əmin ola bilərlər. Səsucaldıcının yerləşdirilməsi və kalibrləmə bizim salonumuzun ayrılmaz bir hissəsidir.

OPTİMALLAŞDIRILMIŞ MÜHİT

Avtomobilin atmosferi nəzərə çarpmaya bilər, amma onun əhəmiyyəti böyükdür. Bizim üçün bu, çox vacibdir - biz salonun havasına mikroskopik səviyyədə nəzarət edən və onu tənzimləyən mükafata layiq Nanoe® texnologiyasını tətbiq etmişik. İqlimə nəzarət sisteminin ənənəvi xüsusiyyətlərini geridə qoyaraq, bu innovativ xüsusiyyət yüksək səviyyəli komforta zəmanət verir.

LEXUS TƏHLÜKƏSİZLİYİ

Təhlükəsizliyiniz bizim birinci prioritetimizdir. Lexus Təhlükəsizlik Sistemi + sizi, sərnişinlərinizi və digər nəqliyyat vasitələrində olan insanları və piyadaları zərərdən qorumaq üçün qəzanın qarşısının alınmasında yeni eranın əsasını qoyur. İdarəetmə imkanlarınızı tamamlamaq və gücləndirməklə, Lexus Təhlükəsizlik Sistemi + qarşıdakı səyahətinizdə həmişə güvənli hiss etməyinizi təmin etmək üçün duyğularınızı gücləndirir.

YARADICILIĞIN HƏDLƏRİNİN AŞILMASI

Konsept avtomobillərimiz gələcək texnologiyalarla bağlı fikirlər irəli sürür və onları reallaşdırır. LF-FC, UX Konsepsiyası və Kinetik oturacaq konsepsiyası perspektivli layihələrdir. Onlar eyni zamanda bizim yeni və cəsur ideyalarımızı sınaqdan keçirdiyimiz, yaradıcı düşüncəyə texnoloji sıçrayışlar etmək azadlığı verdiyimiz yenilikçi laboratoriyalardır.

YENİ FORMA VERİLMİŞ OTURACAQLAR

İnqilabçı ruhlu Lexus Kinetik Oturacaq Konsepti 2016-cı il Paris Avtomobil Şousunda təqdim edildi. Sizin rahatlığınızı yüksək səviyyədə təmin etmək məqsədi ilə oturacaqlara innovativ şəbəkə forması verdik.

Təhlükəsizliyinizdən və sizə dəstəyin verildiyindən əmin olmaq üçün radikal liflər sizin hərəkətlərinizi stabilləşdirilməsinə xidmət edir. Odur ki, əyləşərkən sadəcə bədəniniz deyil, ruhunuz da dincələcək.

Ağilli İnterfeys

Həm UX Konsepti. həm də LF-FC modeli daha sadə və daha təbii üsullarla təsvir edilib.

Tezliklə, bu avtomobillər sizin hərəkət və toxunuşlarınıza cavab verəcək. Holoqramlar həmçinin üfüqi formadadır.

LS YENİLİKÇİ XÜSUSİYYƏTLƏR

Yeni LS modeli təhlükəsizlik texnologiyasını daha da irəliyə aparır. Bu Lexus Təhlükəsizlik Sistemi + qabaqcıl xüsusiyyətlər ilə xarakterizə olunur və əvvəlki ilə müqayisədə sürücü dəstəyinin daha yaxşı ölçüsünü təmin edir. Toqquşma Öncəsi Xəbərdarlıq Sistemi (PCS), Zolaqda Yoladüşmə Xəbərdarlığı (LDA) və Dinamik Kruiz-Kontrol daha da təkmilləşdirilib. LS modeli Piyada Xəbərdarlığı və Aktiv İdarəetmə Köməkçisi kimi xüsusiyyətləri ilə idarəetmə xüsusiyyətlərini intuitiv və intellektual olaraq tamamlamaq məqsədi ilə yeni innovativ üsullarla toqquşmaların qarşısını almağa kömək edir.

LEXUS ELEKTROMOBİL

Lexus 15 ildən çoxdur avtomobillərin elektrikləşməsində qabaqcıl yer tutur, həyəcanverici, effektiv və dözümlü avtomobillərini daha da təkmilləşdirir. Demək olar ki, səssiz olan mühərriklər planetimizin qorunması ilə yanaşı sürücüyə dinamik idarəetmə təcrübəsi yaşatması ilə seçilir. Dünyanın aparıcı texnologiyaları hər şeyi təhlükəsiz, misilsiz və dəbli edir. Növbəti nəsil artıq buradadır və bunu görmək çox gözəl hissdir.

Gözlənilməyən tətbiq üsullarının kəşf edilməsi

Texnologiyaya yanaşmamız həmişə dinamik olub. Biz texnologiyaları olduğu kimi tətbiq etmək əvəzinə, onları yeni texnologiyaların inkişaf etdirilməsi üçün ilham mənbəyi və başlanğıc nöqtəsi kimi nəzərdən keçiririk. Hər zaman irəli baxaraq yaradıcı və qeyri-standart düşüncə tərzi ilə texnologiya və elmin ən son yeniliklərinə fərqli baxış bucağından yanaşır və onların üzərində yenidən işləyirik.

DAHA AĞILLI SKANERLƏŞMƏ

Qeyri-ənənəvi yolla düşünərək biz tibb elmindən ən son CAT (Kompüter Tomoqrafiyası) skanerləşmə texnikasını götürdük. Nə üçün? Çünki, bu texnologiyanın Lexus üçün fərqli və dəyərli bir tətbiq olduğunu müşahidə etdik.

Mühərriklərin yoxlanılması üçün ənənəvi yanaşmalar mexaniki və xarici yoxlamalara əsaslanır. Lakin, Lexus olaraq biz hər bir mühərrikin daxilinin əla vəziyyətdə olduğunu bilirik.

Kompüter Ox Tomoqrafiyası (CAT) bizə 3D-də mühərrikin içərisinə baxmağa imkan verir. Biz tam dəqiqliyi ilə çatışmazlıqları görə bilərik. Bizim qeyri-ənənəvi metodumuz qüsursuz nəticələr təqdim edir.

QEYRİ-ƏNƏNƏVİ MATERİALLAR

Biz təbiəti və texnologiyaları bir araya gətirərək, planetimizə qarşı daha xeyirxah həllər tapmaq üçün ekoloji materiallardan innovativ metodlarla istifadə edirik. Təbiətin gözəlliyini hiss etdirən fərqli interyer elementləri ilə tanış olun. Siz tərzli və funksional işləmələrin və tam yeni funksiyaların şahidi olacaqsınız.

Lexus CT-nin güclü dinamiklərində təbiət və texnologiya heyrətamiz effektlə bir araya gəlir. Biz inanılmaz akustika yaratmaq üçün bambukdan tam yeni tərzdə istifadə etmişik.

Dinamiklərin diafraqmaları bambuk yarpaqlarının kənarında olan mikroskopik, iynəyə bənzər bir strukturu fitoliti odun kömürü ilə birləşdirən materialdan hazırlanıb. Yüngül olsa da, yüksək səs yaradan diafraqma yüksək notları dəqiqliklə ifa etmək üçün kifayət qədər sərt, öz titrəyişlərini azaldacaq qədər çevikdir.

 

 

 

 

 

SİMULYASİYA EDİLMİŞ İDARƏETMƏ

Lexus LS ağıllı cihaz paneli ilə əhatə olunub. Dairəvi ekranlar şəhərin və avtomobil yollarının canlı təsvirini əks etdirir. Silindrlər hərəkət etməklə və fırlanmaqla dönməni, yuxarıya doğru qalxmanı. sürətlənməni və yavaşımanı stimullaşdırır. Mühərrik səsi, vibrasiya və külək effekti tamamlayır.

Simulyasiya imkanları sonsuzdur. Məsələn, monoton idarəetmə halları yuxu gətirən amilləri araşdırmağımıza kömək etmiş və nəticədə ağıllı xəbərdarlıq sisteminin ərsəyə gəlməsinə səbəb olmuşdur. Eksperimentlərin layihələndirilməsi üzrə məsul şəxs Takahiko Murano qeyd edir: "Bu, real dünyada icrası mümkün olmayan test növüdür".