LEXUS ATP İLƏ ÇOXİLLİK TƏRƏFDAŞLIĞI ELAN EDİR

• Lexus 2028-ci ilə qədər ATP Turunun Rəsmi Avtomobil və Platinum Tərəfdaşı olacaq
• Lexus İtaliyanın Turin şəhərində keçirilən mövsümün finalı "Nitto ATP Finals"ın və Rolex Paris Masters turnirinin Rəsmi Avtomobil və Platinum Tərəfdaşı olacaq
• Lexus ATP Head2Head-in Titul Tərəfdaşı olacaq və azarkeşlərin bu idmana və Lexus brendinə qarşı marağını gücləndirməyə kömək edəcək. 
• Ümumilikdə Lexus Avropada 20 ATP və WTA turnirinin tərəfdaşıdır

Lexus bu gün B1tennisçilər ilə növbəti üçillik tərəfdaşlıq çərçivəsində ATP ilə uğurlu əməkdaşlığını davam etdirəcəyini elan edir. 2026–2028-ci illər ərzində premium brend əsası 2023-cü ildə qoyulmuş münasibətləri genişləndirərək yenidən ATP Turunun Rəsmi Avtomobil və Platinum Tərəfdaşı olacaq. 

Yenilik ruhu və unudulmaz təcrübələr yaratmaq həvəsi ilə Lexus emosiyanın, zərifliyin və performansın ideal harmoniya yaratdığı tennis dünyasına öz unikal baxışını gətirir. Bu tərəfdaşlıq müştərilərimizin həm yolda, həm də kortda  zərif performans, şəxsi seçim və mükəmməlliyə sadiq olma kimi ən çox önəm verdiyi dəyərləri əks etdirir.

Lexus Europe-un rəhbəri Andre Şmidt bildirib: “Lexus-un ATP Tour ilə tərəfdaşlığı mükəmməlliyə, dəqiqliyə və ehtirasa olan ortaq sadiqliyimizi əks etdirir. Bu dəyərlər brendimizi dərindən əks etdirir. Elektrikləşdirilmiş avtomobillər portfoliomuz vasitəsilə biz lüksü şəxsi təcrübəyə çevirən seçim imkanlarını təqdim edirik və bu, dünya səviyyəli tennisin ruhuna tam uyğundur.”

ATP-nin baş direktoru Eno Polo qeyd edib: “Lexus Turumuza həqiqi dəyər qatan tərəfdaşdır. Birlikdə yolumuza başladığımız ilk gündən etibarən onlar əsas tədbirlərdə oyunçularımız və əməkdaşlarımıza göstərdikləri xidmət səviyyəsini  yüksəltməklə və ATP Serves vasitəsilə dayanıqlılıq təşəbbüslərimizi dəstəkləməklə tennisə həqiqi sədaqət nümayiş etdiriblər. Məhz bu məqsədyönlü  yanaşma bu tərəfdaşlığı fərqli edir. Bu əməkdaşlığı daha da inkişaf etdirməkdən qürur duyuruq."

Lexus brendi yüksək səviyyəli tennis yarışları dünyası ilə sinerji yaradaraq xırda detalların vacibliyini, davamlı təkmilləşməyə əsaslanan mükəmməlliyi və nailiyyətə sadiqliyi vurğulayır.

Lexus həmçinin təsdiq edir ki, Nitto ATP Finals turnirinin Rəsmi Avtomobil Tərəfdaşı və Platin Tərəfdaşı qismində çıxış edəcək. Bu turnir mövsümün yekunu olaraq kişilər arasında dünyanın tək və cüt növdə ən yüksək reytinqli səkkiz oyunçusunu bir araya gətirir.

Lexus Rolex Paris Masters turnirində rəsmi avtomobil kimi vacib rol oynayır, bununla da ATP Turunda öz mövcudluğunu gücləndirir və yüksək səviyyəli tennis tədbirlərinə dəstəyini nümayiş etdirir.

Lexus azarkeşlərin tennisə və öz brendinə marağını gücləndirməyə davam edəcək. Brend ATP Head2Head layihəsinin Titul Tərəfdaşı qismində iştirak çərçivəsində tennis arenalarından kənarda keçirilən əyləncəli idman yarışlarında ən yaxşı ulduzları bir-birinə ilə yarışdıran onlayn seriyaya dəstək verir.

Lexus sponsorlu tədbirlərdə oyunçuların, rəsmilərin və qonaqların daşınması üçün elektrikləşdirilmiş avtomobil parkı təqdim etməyə davam edəcək. Özü şarj olan hibrid, plug-in hibrid və tam elektrikli modellərdən ibarət portfolio ilə brendin elektrikləşmə sahəsindəki liderliyi ATP Tour-un “ATP Serves” və “UN Sports for Climate Action” proqramı çərçivəsində 2040-cı il üçün emissiyaları sıfır səviyyədə çatdırma hədəflərini tamamlayır.

Bu tərəfdaşlıq çərçivəsində Lexus 2026-cı il boyunca əsas məkanlarda keçiriləcək ATP Tour turnirlərində sponsorluq edəcək. Lexus həmçinin LTA ilə tərəfdaşlıq çərçivəsində bir neçə WTA və ATP Challenger Tour tədbirinə də dəstək verməyə davam edəcək.

LEXUS HAQQINDA

1989-cu ildə yaradılan Lexus Avropada LBX, UX, NX, RZ və RX krossoverləri, GX və LX SUV modelləri, ES sedanı və LM “Luxury Mover” mikroavtobus modeli daxil olmaqla, geniş premium avtomobil çeşidi təklif edən qlobal lüks həyat tərzi brendidir.

Lexus yaradıcı texnologiya, incə ustalıq, zəriflik və ən yüksək qonaqpərvərliyi ifadə edən yapon “omotenaşi” ənənəsi vasitəsilə “lüksü fərdiləşdirməyi” hədəfləyir.

Dünyada indiyədək 3,5 milyondan çox özü şarj olan hibrid, plug-in hibrid və tam elektrikli avtomobillərin satışları ilə “Lexus Electrified” konsepsiyası brendin elektrikləşdirilmiş avtomobillər sahəsindəki təcrübəsinə əsaslanır və elektrikləşmə texnologiyaları vasitəsilə avtomobilin performansı, idarəetməsi, nəzarəti və sürmə həzzi sahəsində əsaslı sıçrayışı hədəfləyir.

2024-cü ildə Lexus dünya üzrə 850 000-dən çox avtomobil, o cümlədən Avropa üzrə rekord sayda 88 184 avtomobil  təchiz edib, bunların 90%-dən çoxu elektrikləşdirilmiş modellərdir.

ATP HAQQINDA

Kişilər arasında peşəkar tennisin qlobal idarəedici orqanı kimi ATP-nin missiyası tennisə xidmət etməkdir. Biz bütün dünyada milyarddan çox azarkeşi əyləndirir, dünyanın ən güclü tennisçilərini ən nüfuzlu turnirlərdə bir araya gətirir və növbəti nəsil oyunçulara və azarkeşlərə ilham veririk. Avstraliyadakı United Cup-dan başlayaraq Avropa, Amerika və Asiyaya qədər tennis ulduzları ATP Masters 1000, 500 və 250 turnirlərində və Qrand Slam yarışlarında titul və PIF ATP Reytinq xalları uğrunda mübarizə aparırlar. Bütün yollar mövsümün ən nüfuzlu final yarışı olan, İtaliyanın Turin şəhərində keçirilən Nitto ATP Finals-a aparır.

Burada tək və cüt növlər üzrə yalnız ilin ən yaxşı 8 oyunçusu iştirak edir. Turnirdə   ATP World No. 1 versiyasına görə ilin ən yaxşı tennisçinin rəsmi olaraq elan olunması baş tutur. Bu mükafat tennisin ən yüksək nailiyyətidir və PIF tərəfindən təqdim edilir. Daha ətraflı məlumat üçün: www.ATPTour.com (Opens in new window) saytını ziyarət edin.